Tuesday, April 29, 2008

حصان السبق

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!

الزوج: "فيه ايه يا بنت الحلال؟ ليه كدا ؟؟؟"

الزوجة : "ايه الورقه اللي في جيب بدلتك ومكتوب عليها "سوسو"؟؟"

الزوج: "يا بنت الحلال، ده اسم الحصان اللى بنشجعه في السباق!"

الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،

وفجأة جت مراته وضربته بغطا الحلة على راسه !!

الزوج: "خير يابنت الحلال في ايه تاني؟؟"

الزوجه:"حصانك على التليفون

Friday, April 25, 2008

2 مساطيل

الاول : ولع الراديو
الثاني : ماعييش كبريت
الاول : ولا ولاعه؟

Thursday, April 24, 2008

الكتكوت المفترس

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين

Monday, April 21, 2008

محشش بيحل الكلمات المتقاطعة

محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س

Sunday, April 20, 2008

خيانة ام العربي

بيقولك مرة أبو العربى حس بخيانة مراته ليه فقرر انه يراقبها فمشا وراها لحد لما لقاها ماشيه مع راجل غيره فقام مشا وراهم حتى وصلو إلى الكورنيش فاستخبا ورا الكورنيش فسمع الراجل بيقول لمراته إى بقا يا أم العربى انا كل مرة لما أمشى معاكى أمسك إيدك اليمين نفسى مرة أمسك إيدك الشمال قالتله ام العربى : لا إيدى الشمال دى بتاعة ابو العربى فاطلع ابو العربى وقال لمراته: أصيلة يا ام العربى

نكته عنصرية جدا

ليه السودانيين ايديهم بيضا من جوا ؟؟
عشان كانوا ساندين على الحيطة و هما بيرشوهم

Thursday, April 10, 2008

خبر صعب

مرة واحد ابوه مات وهو مسافر بره بقالوا 10 سنين فاتنين صاحبوا قاعدين يتكلموا يوم الي هيرجع فيه، الاول : احنا هنقلوا ازاي ان ابوه مات
التاني : سيب عليا الحكاية دي
الاول قالو طيب
فالمهم التاني رحب بيه اول ما وصل وقالو : انت اخر مرة شفت ابوك كان امتى؟
قالو : من 10 سنين
قالو : تف على دقني لو شفتو تاني

بتفهم فالبيجو؟؟

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

™ تريد مارك صعيدي

مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل
ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون

خفف

مرة واحد ماشي على الصحراوي لقى يافطة مكتوب عليها
خفف 100 كم
فراح مخفف سرعته شوية و لقى يافطة
خفف 50 كم
راح مخفف شوية كمان و بعديها لقى يافطة تانية
خفف 10 كم
راح مخفف كمان و بعدين لقى يافطة
مرحباً بكم في خفف

عزوز .. نكتة جديدة

مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى

صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة

عجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا

وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى

وتمسك الورشة مكانى... وبعد يومين قال عزوز لصاحب الورشة انا اعرف جورج بوش ولكن صاحب الورشة المرة ديا قال

لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت

الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وجورج ونقول لك

هاى وفعلا عزوز طلع هو و بوش بعد خمس دقائق الراجل صاحب الورشة اغمى علية وراح المستشفى . ولما فاق

عزوز بيسألة انت اغمى عليك علشان شفتنى انا وجورج بوش .صاحب الورشة قال لا يابنى انا اغمى علية علشان انت

وهو وافقين فى الشباك عدا من قدامى اثنين امريكان بيسألونى من الى واقف جنب عزوز ده

Wednesday, April 9, 2008

خيانة زوجية

عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده

نبيل شعيل

الشمس غايبة عن الكويت بقالها شهر "تعرف ليه"؟؟؟
نبيل شعيل ناشر جلبيته

Monday, April 7, 2008

ايه هو الحيوان اللي دايما مشغول؟

ايه هو الحيوان اللي دايما مشغول؟

الخرتيت .. تيت .. تيت .. تيت

Sunday, April 6, 2008

صعيدي اخر حاجة

واحد معدى لقى ناس بتهيص قوى قالولهم فية ايه
قالوله فى واحد بلدياتنا عايز ينط من سطح العمارة
قالهم خلاص انا طالعلة...
طلعلة وقاله عايز تنتحر لية...
بلدياتنا قاله اصل انا غبى وكل الناس بتقول علي غبى
راح الراجل قايله هاقولك فزوره لو حلتها ماتبقاش غبى
حاجة اسمها زى شكلها
بلدياتنا : ماخبرش
الراجل:البيضة.. اقولك واحدة تانية
حاجتين اسمهم زى شكلهم
بلدياتنا :ماخبرش
الراجل: بيضتين. اقولك واحدة تانية بسيطه و سهله
حاجة كبيرة وسودة وبتجيب لبن واسمها جموسة
بلدياتنا 3 بيضات
راح الراجل ماسكه وراميه

Saturday, April 5, 2008

سألوا صعيدى

سألوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة

Friday, April 4, 2008

رعب

مرة واحدة ست عجوزة قاعدة لوحدها في البيت وبعدين التليفون رن لقت واحد بيقولها انا الرجل ذو الايدي الملوثة بالدماء انا هاجي لك بعد سنة الست قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 11 شهر الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 10 شهور الست بردو قالت ده واحدبيعاكس وقفلت السكة المهم اتصل بيها تاني بعد شهر وقالها انا الرجل ذو الايدي الملوثة بالدماء انا هاجي لك بعد 9شهور المهم فضلو كده كل شهر يتصل بيها لغاية ما في يوم اتصل وقالها انا هاجي لك بكرة الست خافت ليكون بيتكلم بجد تاني يوم اتصل بيها وقالها انا الرجل ذو الايدي الملوثة بالدماء انا هاجي لك دلوقتي الست خافت اوي اوي وفكرت تعمل ايه تعمل ايه وفجأة جرس الباب ضرب فتحت لقت راجل شكله وحش اوي وايديه كلها دم وقالها انا الرجل ذو الايدي الملوثة بالدماء ممكن اغسل ايدي ؟؟

Thursday, April 3, 2008

كسل فظيع


مرة واحد كسول وابنة قاعدين بياكلو فا مراتة جت فخبطت فقل ابنة قوم افتح لامك قال لة لا ماهى مراتك قالة دى امك قلة دى مراتك قلة دى امك قالة لا قالة طيب وراح منادى على مراتة انتى طالق وراح باصص لابنة وقالة قوم افتح لامك

Wednesday, April 2, 2008

حلاقين

حلاق وابنة بيتفرجوا علي ماتش كورة فالولد سمع المعلق بيقول (وشاطها
بمشط رجله وجات في المقص وجووووووووووووون) راح الولد لابوة وقاله الحق
يا بابا دول باينلهم بيلعبوا في العدة

Tuesday, April 1, 2008

شحنة يويو

بيقولك مرة مركب محملة شحنة يويو غرقت 300 مرة