صعيدي في فرنسا

صعيدي سافر فرنسا قالوله :"بص يا عوضين عاوز اي حاجة بالفرنساوي حط فالاخر اون .. وهتتكلم فرنسواي تمام يعني لو عوز لمنوة قول لمونون لو عاوز بلحة قول بلحون" سافر عوضين فرنسا ودخل مطعم قال للرجرسون " عاوز فرخون ورزون وشوية ملوخيون" الجرسون قالو : " باردون" قالو لا سوخنون

عم عوض

كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير
لحد ما عم عوض راح باني كوبري في الصحراء
تاني يوم لقاهم واقفين عليه وماسكين سناره وبيصتادوا

صعيدي خد الدكتوراه

صعيدي اخد شهادة الدكتوراة قال لامه والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له ه : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

حصان السبق

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!

الزوج: "فيه ايه يا بنت الحلال؟ ليه كدا ؟؟؟"

الزوجة : "ايه الورقه اللي في جيب بدلتك ومكتوب عليها "سوسو"؟؟"

الزوج: "يا بنت الحلال، ده اسم الحصان اللى بنشجعه في السباق!"

الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،

وفجأة جت مراته وضربته بغطا الحلة على راسه !!

الزوج: "خير يابنت الحلال في ايه تاني؟؟"

الزوجه:"حصانك على التليفون

2 مساطيل

الاول : ولع الراديو
الثاني : ماعييش كبريت
الاول : ولا ولاعه؟

الكتكوت المفترس

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم
، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام
، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين

محشش بيحل الكلمات المتقاطعة

محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س